ЫРААСТАНЫЫ, ЭМТЭНИИ, СҮБЭ-АМА, ЧАРААС ЭЙГЭҔЭ УҺУЙУУ

Үгүс киһи бэлиэтии көрбүт буолуохтаах, кураанах лааппыга (магазиҥҥа), эбэтэр, ким да суох кафетыгар бастакынан киирэҕин, онтон сотору буолаат, кэннигиттэн, тута дьонунан туоларын. Маннык киһини, "атахтаах киһи", "чэпчэки атахтаах" диэн ааттыыллар. ✔️Биһиги өбүгэлэрбитигэр, «атахтаах киһи» диэн өйдөбүл баар. Итинник дьон, ханна да тиийдэллэр, бэйэлэрин кытта ситиһиини, үтүө энергияны илдьэ сылдьаллар. Ис туруктара олус сырдык, күүстээх буолан, атын да дьону, бэйэлэрэ билбэттэринэн тардан ылаллар. Бу дьон, «суолу аһааччылар» диэн буолаллар. ✔️Дьон айылгытынан «бөлөҕүнэн сылдьар» үөрэхтээх. Кураанах маҕаһыын сороҕор киһини тохтотор дии: «Манна ким да суох, баҕар үчүгэйэ суох ини?» — диэн санаа баар буолуон сөп. Онтон ким эрэ, эрэллээхтик ааны аһан киирдэҕинэ, атын дьоҥҥо «суол арыллар». Кинилэр ис истэриттэн: «Манна киириэххэ сөп эбит», — диэн сигнал ылаллар. ✔️Хас биирдии киһи бэйэтин тула, туспа энергетиканы таһаарар. Эйэҕэс, үөрүнньэҥ, ис санаата ыраас киһи, киирбит сиригэр вибрация үөскүүр. Ол энергия, маҕаһыын иһин толоро охсор уонна аттынан ааһан иһэр дьону «уһугуннарар». Кинилэр бэйэлэрэ эмиэ билбэккэ, ол сир диэки тардыһаллар. Салгыыта👇

@alenamodista

Оһохпут уота барахсан, тачыгырыыр тыаһа үчүгэйиин🔥 Айхалы анаабыт, алгыһым этэр: -Аал уотум иччитэ, аргыстаһыым эйиигинниин! Кыымыҥ, көмүс чаҕылыҥ, Күүскэ оонньоон мичилийэн, Өбүгэбит тыына, эйиэхэ иҥмитин, Олохпут уотун күөдьүтэн, Урукку кэм, кэриэһэ буолаҥҥын, Кэлэр кэм кэрэтин эн кэпсээ... Күн аайы саҥаҕа сирдээн, Ый аайы үүнүүнү түстээн, Көҥүл санааны көбүтэн, Кэрэ олоххо ыҥыран, Аттыбыт сырдаатын, Тулабыт сандаардын!!!.... Эл Иэнэ, Атырдьах ыйын 19 күнэ, Дьокуускай к.

@alenamodista

Өй-санаа уонна ис турук икки ардыгар охсуһуу диэнтэн саҕалыах. Бу кураанахсыйыы кэмигэр, киһи бэйэтэ, күүһүнэн ону-маны гына сатаан, араас дьарыгы кыайа сатыыр. Бу — эн Өйүҥ (разум) тугу эмэ гынан, туруккун тупсара сатыыр хамсааһына- «Хамсаа, тугу эмэ гын, кураанах олорума» диэн. Онтон этин-сииниҥ, бу кэмҥэ, букатын атын турукка сылдьар — уоскуйуон, чуумпуруон баҕарар. Кураанах иһиттэн ууну куттан испэппит ди, ол курдук, күүһүҥ-сэниэҥ суох кэмигэр, өйгүн күүһүлээн тугу эмэ гына сатыырыҥ — өссө күүскэ кураанахсытар. 🌞Харысхал туруга (режим энергосбережения, диэххэ сөп) Киһи этигэр-сиинигэр, уйулҕатыгар улахан сылайыы (выгорание), курус санаа ,эбэтэр олох улахан уларыйыыта буоллаҕына —өй уонна кут (мэйииҥ уонна ис туругун) бэйэтин харыстанаары «тохтоон хаалар». Бу кэмҥэ эйиигин тулалыыр сырдык сарыал, сүппүт курдук буолар, туох да үөрдүбэт, интэриэһи тартпат. Бу туруктан куттаммакка, аймаммакка, этиҥ-сииниҥ харысхалланан, ис күүһүн төптөрү мунньуна сатыырын өйдөөн ылыныахха эрэ наада. 🌞Кураанахсыйыы — бу саҥа олох саҕаланыыта Санаан көр эрэ-айылҕа, күһүн сэбирдэҕин барытын түһэрэн, мастар кураанах хаалаллар. Салгыыта👇

@alenamodista

Хас биирдии киһиэхэ, маннык ыйытыы хаһан эмэ үөскээбитэ буолуо: «Тоҕо бу күн сиригэр саамай сырдык, сымнаҕас санаалаах, кимиэхэ да куһаҕаны баҕарбат, аанньал курдук, үчүгэй дьон эрдэ күн сириттэн баралларый?..диэн» Онтон, бу ыйытыкка, тута маннык кэпсэттэххэ: — «Эн сибэккилээх хонууга хаама сылдьан, хайдах сибэккини хомуйаҕын, үргээн ылаҕын?..» — «Саамай кэрэтин, саамай чаҕылхайдык тыллыбытын, мааны сыттааҕын талабын...» — «Дьэ көрдүҥ дуо? Үрдүк Күүстэр эмиэ, сиппит-хоппут, ыраас санаалаах дьону, эрдэ талан ылааччылар...» Олох чахчыта оннук буоллаҕа.... Үчүгэй, аһыныгас, үтүө сүрэхтээх дьон — бу Орто дойдуга мээнэҕэ кэлбэттэр. Кинилэр биһиэхэ, Айыылартан анал соруктаах ыытыллаллар: дьоҥҥо дьиҥнээх тапталы көрдөрө, тулалыыр эйгэни сылааһынан угуттуу. Кинилэр сирдээҕи олохторун, туохтан барытыттан түргэн- түргэнник ааһаллар. Бу сирдээҕи олох киригэр-хаҕыгар, куһаҕан санаатыгар, кырыктаах олоҕор, кыайан өр олорботтор — кинилэр ис туруктара олус ыраас, чараас буолан, сирдээҕи соруктара бүтээт, төрөөбүт сырдык халлааннарыгар, төннө охсоллор. Сибэкки, хараҥа хаһыҥҥа тоҥо, хата илигинэ, кэрэтинэн үргэнэрин курдук... Салгыыта👇

@alenamodista

Сирдээҕи олох, олус түргэнник устар, күн-дьыл түргэнник ааһар... Биһиги, сорох кэмҥэ, кэннибитин хайыһан ааспыты кэмсинэбит, сороҕор иннибит диэки ыстанан, кэлэр кэми күүтэн, ыксаабыт буолабыт. Ол эрэн, ОЛОХ ДЬИҤНЭЭХ УЛУУ КҮҮҺЭ — БИЛИГИН, БУ ТҮГЭҤҤЭ ЭРЭ БААР. • БЭҔЭҺЭЭҤҤИ КҮММҮТ— номнуо, суола ууллубут, ааспыт остуоруйа. Кинини төптөрү эргитэр кыах суох, онон, хас биир буолбут түгэни, үөрэх курдук ылынан, махтанан, истиҥник ыытыахха наада. • САРСЫҤҤЫ КҮММҮТ — өссө да, арылла илик, куйаар кистэлэҥэ, таайыллыбатах улуу таабырыҥ. • Онтон БҮГҮҤҤҮ КҮММҮТ — саамай күндү, биир эрэ төгүл бэриллэр, ытык бэлэх буолар. Бу мааны бэлэҕи мүччү туппакка, самаан сайыммыт куйаас күннэрин астына-дуоһуйа, күммүт-сылы угуттуур сылааһыгар, ис туругу, өйү-санааны сааһылаан, күөх окко хааман-сиимэн, Ийэ сиртэн күүс иҥэринэн, Айылҕалыын биир ситим буолан, хас биир сылаас сардаҥаны сыаналаан, олохпут, хас биир мүнүүтэтиттэн ис дууһаҕыттан астына, үөр-көт! Бүгүн бааргынан, һиэрдээхтик ОЛОР, бүгүн бааргынан, МАХТАН☀️🙌🏻🌀 Эл Иэнэ, От ыйын 7 күнэ, Дьокуускай к.

@alenamodista