saya_sakha

saya_sakha 🔥ТӨРӨӨБҮТ ТЫЛ, СУРУК-БИЧИК КҮНЭ БЫЙЫЛ ХАЙДАХ ААСТА?
💥ИЙЭ ТЫЛБЫТ ТИЛЛЭР КҮҮҺЭ диэн 16:00 ч. саҕаламмыт оһуокайга төгүрүк остуол тула күйгүөрбүттэр кыайан сылдьыбатыбыт. Ол да буоллар, Сибэкки Заровняева салайааччылаах куорат эдэр этээччилэрэ уонна Саха тэлэбиидэнньэтин “Күн оһуокайа” күрэҕин оҕолоро кэлэннэр ыраас, чэгиэн куоластарынан өбүгэ өрөгөйдөөх оонньуута салҕанар саргытын илэ-чахчы көрдөрдүлэр диэн сылдьыбыт эрэ дьон астынан кэпсээтилэр.
💥ИЙЭ ТЫЛБЫТ ИЛЭ ТЫЫНА диэн, Олоҥхо Ассоциацията тэрийиитинэн, олоҥхоһуттары икки сиринэн истии буолла. Сцена быыһын иннигэр “Олоҥхо баттл” былырыыҥҥы кыайыылааҕа Микиитэ Айанньыытап олоҥхото кутулунна. Былырыын Мэҥэ Хаҥаластан Виталий Никифоров эмиэ итинник толорбута. Дьон олоҥхону тутан олорон истэргэ тардыһар буолбута көстөр.
💥Дьоро киэһэни оһуокайынан бүтэрэр үтүө үгэһи Прокопий Федоров-Айылҕа Оҕото диэн ааттаах, үтүөкэннээх оһуокайдьыт Арчы Дьиэтиттэн кэлэн толордо.

saya_sakha ☀️🐂🐄САНДАЛ СААС БАРАХСАН КЭЛИИТЭ ОРДУК ХОТОҤҤО КЫСТААБЫТ ХОРОҔОР МУОСТААХХА ҮӨРҮӨЛЭЭХ КЭМ БУОЛЛАҔА. САХА ЫНАҔАР АНАММЫТ ХОҺООННООХ ЭБИППИН😅

САХА ДЬОЛГО ҺАЙДААТЫН!
САХА ЫНАҔАР
Айыы дьонун аһаппыт,
Алгыс баһын салайбыт,
Аан дойдуга уонна суох
Ааттаах-суоллаах ынахпыт
Алаас-сыһыы аайытын
Аалыҥнаһа үксээтин,
Сайылыктаах, кыстыктаах
Саха дьолго һайдаатын!

Мукугуркаан муостардаах,
Мултуруйбат туйахтаах,
Эчикийэ бэйэлээх
Эгэлгэлээх талалаах
Мааныланар маакыйбыт -
Барахсаммыт баар эбит,
Омук буолар төлкөбүт
Оҥоһуута баар эбит...

Өбүгэбит үөскэппит,
Үйэлэри туораппыт
Өлбөт мэҥэ өллөйдөөх
Үтүөкэннээх ынахпыт
Турукпутун тупсардын,
Эрчиммитин элбэттин,
Эмтээх илгэ далбардаах
Саха киэнэ дуо, — дэттин!
САЙА

saya_sakha 📣САҤА ДОКУМЕНТАЛЬНАЙ КИИНЭ!

🏅КЭЛЭР КЭМ БӨҔӨҺӨ АЛЕКСАНДР ИВАНОВ
🤼‍♀️ Быйыл 75 сааһын туолбут Монреаллаҕы Олимпиада үрүҥ көмүс призера, тустуу таҥаралаах илиҥҥи омук «Улуу Пехлеван» диэн мээнэ киһиэхэ биэрбэт аатынан сүрэхтэмит соҕотох саха - Александр ИВАНОВ оҕо сааһа хайдах этэй; тустуук көбүөр үрдүгэр эрэ буолбакка, кинини утары көбүөр аннынан ыытыллар үлэни кытта хапсыһар түгэннэрэ баар буолар дуо; албан ааттаах бөҕөс аныгы тустуу туһунан туох санаалардаах эбитий?
📺Күндү көрөөччү, бу ыйытыыларга хоруйу Александр ИВАНОВ олоҕун аһаҕастык кэпсиир документальнай киинэттэн билиэҥ.
Ааптар Наталья МИХАЛЁВА
Режиссер Моника ПОПОВА

🔔🌞 Кулун тутар 15 күнэ, өрөбүл
🔔⏰ Сарсыарда 11:00 ч.
🔔 Хатылааһына кулун тутар 19 күнэ, чэппиэр, 15:00 ч.
🔔 Биэрии «САХА» НКИХ куйаар ситимҥэ ханаалларыгар киириэҕэ.
💜🤝Биллэриини бөлөхтөрүгэр тарҕаппыт дьоҥҥо барҕа махтал😍🫶🏼

saya_sakha 📣САҤА БИЭРИИ!

📺🌈САХА СУОЛА. КҮН ИЙЭ
Билигин тыа сириттэн дьон киин сирдэргэ көһөрүн буолуохтаах курдук ылынар кэммитигэр Таатта улууһун Баайаҕата оннук күргүөмүнэн көһүүнү көрсүбэтэ. Ол, биллэн турар, мындыр толкуйдаах салалтаттан, Мандар Уус сырдык сабыдыалыттан буолуо эрээри, манна өссө биир үтүөкэн түгэни бэлиэтиирбит тоҕоостоох. Баайаҕаҕа сүүрбэһис үйэ иккис аҥарыгар уонтан тахсалыы оҕону төрөппүт уон Дьоруой Ийэ алгыстаах алаһа Айыыһыттара буолан, нэһилиэк кэҥээн барар кэскилин түстээбиттэр.
САХА СУОЛА ол кэрэ кэккэттэн биирдэстэрэ, билигин уон биир оҕотун уоттарын сылааһынан угуттанан, сааһын уһатан, 95 хаарын аһарар Күн Ийэ Александра Алексеевна ХРИСТОФОРОВА сиэнин уруутугар алгыстаах айхалын аныы Дьокуускайга кэлэ сылдьарын көрүстэ.

🔔🌞 Кулун тутар 8 күнэ, өрөбүл
🔔⏰ Сарсыарда 11:00 ч.
🔔 Хатылааһына: (күнэ уларыйда) кулун тутар 13 күнэ, бээтинсэ, 15:00 ч.
🔔 Биэрии «Саха» НКИХ сэлэһэр ситимнэригэр киириэҕэ.
💜🤝Биллэриини бөлөхтөрүгэр тарҕаппыт дьоҥҥо барҕа махтал😍🫶🏼

saya_sakha 🌈✍️ХОҺООН СУҺУМУН ТҮМҮКТҮҮР ТҮҺҮМЭҔЭ УҺУЛЛАН ЭРЭР...

saya_sakha 📣САҤА БИЭРИИ!

📺🌈САХА СУОЛА. «ТЫЛБЫТ ТУҺУГАР» ДИЭТЭХХЭ, САХА ТҮМСЭР
🌷Аныгы ийэлэр сэбиэскэй кэмҥэ улаатан ыал буолбут дьахталлартан атыннар. Ордук аһаҕастар, ордук сорунуулаахтар, ордук бэйэлэригэр эрэллээхтэр уонна... оҕо бигэ тирэҕэ, бөҕө куйаҕа, көтөр кыната - ийэ тылыгар олоҕурбут өйө-санаата диэн итэҕэллээхтэр.
🌷САХА СУОЛУГАР саха тылын уонна уран суругун учууталларын 3-с сийиэһигэр Ньурба улууһуттан дэлэгээт, түөрт уол оҕо ийэтэ Татьяна АЛЕКСАНДРОВА кэрэхсэллээх кэпсээнин истиэххит уонна алын кылаас оҕолоругар аналлаах саҥа учуобунньуктары кимнээх оҥорбуттарын билсиэххит.

🔔🌞 Олунньу 22 күнэ, өрөбүл
🔔⏰ Сарсыарда 11:00 ч.
🔔 Хатылааһына олунньу 26 күнэ, чэппиэр, 15:00 ч.
🔔 Биэрии «САХА» НКИХ үтүүп, урутууп, ВК ханаалларыгар киириэҕэ.
💜🤝Биллэриини бөлөхтөрүгэр тарҕаппыт дьоҥҥо барҕа махтал😍🫶🏼

saya_sakha ⚜️⚜️⚜️Күндү Дьокуускай куорат олохтоохторо, ыалдьыттара!⚜️⚜️⚜️        🌿Эһигини, *Ийэ тыл, сурук-бичик күнүгэр аналлаах «САХА ТЫЛА САҔАР КЫЫМА» дьоро тэрээһиммитигэр, олунньу 13 күнүгэр Өксөкүлээх Өлөксөй аатынан норуоттар доҕордоһууларын дьиэтигэр ыҥырабыт!* Ыалынан тутуспутунан кэлэн сахабыт тылын уруйдуур дьоро киэһэҕэ үөрэ-көтө кыттыҥ, сүргэҕитин көтөҕүҥ, саха тыла сайдыытыгар тирэх буолуҥ диэн ыҥырабыт! 🌿🌿🌿 Кэлиитэ көҥүл! Киириитэ босхо!

saya_sakha 📣САҤА ДОКУМЕНТАЛЬНАЙ КИИНЭ 2-с ТҮҺҮМЭҔЭ!
☀️КИҺИ ДЬОЛГО ДЬУЛУҺУОХТААХ
🔥Ньукулай ХАРИТОНОВ-ЧУОРУ Ньурба, Сунтаар улуустарын холбоһуктаах Хомсомуолун салайар эрдэҕинэ кинини бэлиитикэ, судаарыстыбаны тутуу ханнык улуу диэйэтэлигэр маарыннатар этилэрий? «Ньурба вальса» ырыа хайдах суруллубутай? Поэт төрөппүт оҕолоруттан айар-суруйар дьоҕурдаах баар дуо?
🔥Ыччат уонна айар интеллигенция инники күөнүгэр салайар үлэҕэ сылдьыбыт чаҕылхай киһи, суруналыыс, публицист, поэт, Саха Өрөспүүбүлүкэтин суруйааччыларын сойууһун чилиэнэ, култуура үтүөлээх үлэһитэ, Ньурба, Сунтаар улуустарын Ытык-бэлиэ киһитэ Николай ХАРИТОНОВ-ЧУОР уратылаах олоҕун уонна алгыстаах айар үлэтин туһунан саҥа документальнай киинэ 2-с түһүмэҕин көрөргө ыҥырабыт!
❗️БОЛҔОЙУҤ! ⏰ КӨСТӨР ЧААҺА УЛАРЫЙДА!

🔔🌞 Олунньу 8 күнэ, өрөбүл
🔔⏰ Сарсыарда 10:45 ч.
🔔 Хатылааһына олунньу 12 күнэ, чэппиэр, 15:00 ч.
🔔 Биэрии «САХА» НКИХ үтүүп, урутууп, ВК ханаалларыгар киириэҕэ.
💜🤝Биллэриини бөлөхтөрүгэр тарҕаппыт дьоҥҥо барҕа махтал😍🫶🏼

saya_sakha