saya_sakha

saya_sakha 🔥КУОРАТ ДЬОНО СЭРГЭХСИЙДИЛЭР
Сунтаартан ырыа кэһиилээх кэлбит талба талааннаахтарбыт Дьокуускай олохтоохторун өссө оһуокайга ойутан, эһиэкэйгэ сиэллэрэн сэргэхситтилэр. Куорат дьоно таас ордууларыттан оронон кэлэн иэччэхтэрэ имиллиэр, сүһүөхтэрэ сөргүйүөр, көхсүлэрэ көнүөр, күөмэйдэрэ чөллөрүйүөр диэри үҥкүүлээн санаалара манньыйан тарҕастылар.
Элгээйиттэн Карина ПОПОВА түһүлгэтэ.👏🏼👏🏼👏🏼

saya_sakha 📣САҤА БИЭРИИ!

📺🌈САХА СУОЛА. ПОЭТ ТЫЛА
❤️‍🩹Поэзия - ааһа буспут аһыы отон
Уонна чанчыкка умайар үрүҥ төлөн...
✍️Нуучча биллиилээх суруйааччыта Варлам ШАЛАМОВ поэзияны тоҕо «эр дьоннор киэннэрэ, тулуйбуттар киэннэрэ» диэбитэй?
⛰️САХА СУОЛУН» ыалдьыта, РФ үтүөлээх учуутала Мария БОЯРОВА тыйыс тымныы уонна тыйыс дьылҕа тургуппут улахан суруйааччыларын үйэлээх айымньыларын нөҥүө тапталлаах Өймөкөөнүн туһунан иэйиилээх сэһэнин истиэҕиҥ.

🔔🌞 Ахсынньы 14 күнэ, өрөбүл
🔔⏰ Сарсыарда 11:00 ч.
🔔 Хатылааһына: ахсынньы 18 күнэ, чэппиэр, 15:00 ч
🔔 Биэрии «САХА» НКИХ үтүүп, урутууп, ВК ханаалларыгар киириэҕэ.
💜🤝Биллэриини бөлөхтөрүгэр тарҕаппыт дьоҥҥо барҕа махтал😍🫶🏼

saya_sakha Маннык бэйэлэрэ бэйэлэригэр олоҥхолуу сылдьар оҕолор баар буолбуттар😍❤️

saya_sakha 📣САҤА БИЭРИИ!

САХА СУОЛА. «КҮН» - ЭРЭЛ СУОЛА
Оҕо оҕону көҕүтэр, убай-эдьиий холобура ханнык да учуутал, төрөппүт такайыытынааҕар ылыннарыылаах буолар. Ийэ тылбыт кэскилэ оҕо аймах бэйэтин илиитигэр киирбитин «КҮН» оҕо өрөспүүбүлүкэтээҕи хамсааһына кэрэһэлиир. «КҮННЭРИ» кытта көрсүһүүнү САХА СУОЛУГАР көтүтүмэҥ!

🔔🌞 Сэтинньи 30 күнэ, өрөбүл
🔔⏰ Сарсыарда 11:00 ч.
🔔 Хатылааһына: ахсынньы 4 күнэ, чэппиэр, 15:00 ч
🔔 Биэрии «САХА» НКИХ үтүүп, рутууп, ВК ханаалларыгар киириэҕэ.
💜🤝Биллэриини бөлөхтөрүгэр тарҕаппыт дьоҥҥо барҕа махтал😍🫶🏼

saya_sakha ❤️БҮГҮН - АЛАМПА КҮНЭ
🏆Улуу Алампа төрөөбүт күнүгэр кини аатынан норуот бириэмийэтэ туттарыллар буолбута хаһыс да сыла буолла. Тэрийээччилэр сыл аайы саҥа толкуйдары киллэрэллэр, буолар сирэ эмиэ уларыйа сылдьар. Быйыл Бириэмийэни туттарыы Ойуунускай аатынан уран сурук түмэлигэр буолаары турар.
🔥Урукку сыллардааҕы лауреаттары хомуйан, быйыл ҮРҮҤ ТУЛЛУК ЭРЭ МӨЛБӨСТҮҮРҮ аахтарбыттара - дьоро түгэҥҥэ долгутуулаах бэлэмнэниинэн буолла.

saya_sakha 📣САҤА БИЭРИИ!
📺🌈✊🏼САХА СУОЛА. ДЬААҤЫЛАР КЭПСИИЛЛЭР-3
⛰️Арыт очуос таастары таһыйан
Хардаҥ эһэлии адьырыйа,
Арыт налыы кытылларга уоскуйан
Кылааннаах кырсалыы кылбаһыйа,
Тоҕо, Дьааҥы, бачча тиэтэйдиҥ
Хотугу Муустаах байҕалга?...
✍️2027 с. төрөөбүтэ 100 сааһын туолуохтаах норуот поэта Моисей ЕФИМОВ тапталлаах Дьааҥытын туойбут күүрээннээх хоһоонноругар уйдаран, быйыл бу дьиктилээх дойдуга баран кэлбит биир айаммыттан үһүс биэриини таһаарабын.
🔥2027 с. Саха Өрөспүүбүлүкэтин бастакы Төрүт сокуонун айбыт, 1921 с. үрүҥнэргэ холбоһон баран Кытайга тэскилээн тыыннаах ордон 1960-с сылларга диэри олорбут Георгий ЕФИМОВ төрөөбүтэ 145 сылын туолар.
..»Кимнээх этилэрий?» - диэтэхпинэ аҕам
Саҥата суох, сөҥөдүйэн кэбиһэрэ,
Үүйэ-хаайа туттахпына эбэм арай
«Үөрэхтээхтэр этэ», - диирэ...
🌈Эһиги САХА СУОЛУНАН дьиктилээх Дьааҥыга эмиэ тиийиҥ, норуот поэтын сырдык сабыдыалынан олорор Дьааҥы дьонунуун билсиҥ!

🔔🌞 Сэтинньи 16 күнэ, өрөбүл
🔔⏰ Сарсыарда 11:00 ч.
🔔 Хатылааһына: сэтинньи 20 күнэ, чэппиэр, 15:00 ч
🔔 Биэрии «САХА» НКИХ үтүүп, рутууп, ВК ханаалларыгар киириэҕэ.
💜🤝Биллэриини бөлөхтөрүгэр тарҕаппыт дьоҥҥо барҕа махтал😍🫶🏼

saya_sakha 🐟🐟🐟НӨӨРҮКТЭЭЙИГЭ МУҤХА!
Сунтаар 2-с Нөөрүктээйитэ - уруккута улуус кулубалара утумнаан төрөөбүт-үөскээбит сирдэрэ этэ. Өрөбөлүүссүйэ долгунун, Аҕа дойду сэриитин алдьархайын, бөдөҥсүтүү араллаанын түмүгэр бу улуус номоҕор улахан суолталаах сир эстибитэ. Билигин Түбэй нэһилиэгэр киирэн турар, уоттаах-күөстээх, суоллаах.
Биһиги саҕана оҕолор саас Нөөрүктээйигэ похуоттуу барар этибит. Ол үгэс билигин өссө сайдыбыт: сыл аайы баччаларга оскуола оҕолоро манна хоно сылдьан бултуурга, балыктыырга үөрэнэр эбиттэр.
Билигин Нөөрүктээйигэ Матвей ЕВСЕЕВ аҕата сылгыһыт Ньукулай ЕВСЕЕВ аатынан сылгы иитэр хаһаайыстыба АРКТИК-КАПИТАЛ иһинэн тэриллэн үлэлии турар.

saya_sakha 🥞АЛГЫСТААХ АЛААДЬЫ КҮНҮНЭН!
КЫРА ЛАБЫРЫК?🤔ТӨГҮРҮК ЛАБЫРЫК😉
Бүгүн Арассыыйаҕа алаадьы күнэ эбит. Сахалар “Алгыстаах алаадьы күнэ” диибит, онон элбэх ыал бүгүн арыылаах, алгыстаах алаадьынан аһаабыт буолуохтаах. Оҕо сылдьан алаадьыны таһынан “лабырык” диэн тылы истэрим. Ол туһунан ахтыбыппар суруйааччылар бөлөхтөрүгэр бэртээхэй кэпсэтии буолан ааста. Лабырык - улахан алаадьы эбит, тиэстэтэ хойуу, килиэп оннугар сиэнэр диэн буолла. Ынах төрөөтөҕүнэ уоһах үүтүттэн лабырыай диэн эмиэ улахан алаадьыны буһарар эбиттэр. Ол аата алаадьы - кыра лабырык эбэтэр лабырыай эбит дии, диибин. Хайдах эрэ алаадьыга олус барсар тыл дии - ТӨГҮРҮК ЛАБЫРЫК😄.
🧠ИИ (ОӨй - оҥоһуу өй) алаадьы диэн тылбыт хантан кэлбитин ыйан биэрдэ:
*Слово «оладьи» имеет греческое происхождение, образованное от древнегреческого слова ἔλαιον (/élaion/), что означает «масло». Это связано с тем, что блюдо обжаривается на масле, что и дало ему название — изначально так называли жареные на масле лепешки.
*Историческая справка: В давние времена так называли небольшие, толстые лепешки, которые жарили на масле.

saya_sakha 📣САҤА БИЭРИИ!

📺🌈✊🏼САХА СУОЛА. АРТЫЫС СУОЛА
🌿🎸Үйэлэр кирбиилэригэр түбэспит эдэр саас ырыанан, ыранан тыллыыта олох, дьылҕа тыйыс тыалларыгар баһыйтаран хаалбакка, дьон-сэргэ, көрөөччү дьолугар ситэн-хотон, саха эстрадатын бүгүҥҥү ситиһиитин быстыспат сорҕото буолла...
🌹Тамара Попова-Хадаана эмискэ ким хайа иннинэ ырыаттан атынынан дьарыктаммат ураты олохтоммут, бэйэтин аатынан улахан күрэхтэр сулустара буолбут, бастакы килииптэргэ уһуллан, киэҥ экраҥҥа көстүбүт ырыаһыт буолбута. Ол ким көмөтүнэн, хайдах быһыыга-майгыга этэй? Билиҥҥи кэмтэн 30 сылы көҕүрэтэн, көҥүл тыалларга оҕустарбыт ол 90-с сылларбытыгар төннөн, артыыс суолун төттөрү хайан кэлиэҕиҥ...

🔔🌞 Сэтинньи 2 күнэ, өрөбүл
🔔⏰ Сарсыарда 11:00 ч.
🔔 Хатылааһына: сэтинньи 6 күнэ, чэппиэр, 15:00 ч
🔔 Биэрии «САХА» НКИХ үтүүп, рутууп ханаалларыгар киириэҕэ.
💜🤝Биллэриини бөлөхтөрүгэр тарҕаппыт дьоҥҥо барҕа махтал😍🫶🏼