ladakz_qz Дұрыс па? Қалай ойлайсыз?

ladakz_qz Ақтаудағы аулада ерекше туған күн кеші өтті

Ақтауда 4-шағын аудан тұрғындары анаға ерекше туған күн кешін ұйымдастырды. Аулаға «Ана» деген жарық жазу мен жүрек орнатылып, мереке ән мен отшашумен жалғасты. Бейнежазба әлеуметтік желілерде тарап, жұрттың көңілін толқытты.

_________

В Актау один из жителей устроил трогательное поздравление мамы с днём рождения

Во дворе 4-го микрорайона жильцы организовали необычный праздник для именинницы. На футбольной площадке установили импровизированный подиум, украсили его гирляндами и цветами. Центральным элементом стали большие светящиеся буквы «Мама» и сердце с подсветкой.

Атмосфера объединила весь двор: соседи и дети участвовали в поздравлении, а жители близлежащих домов аплодировали и кричали поздравления с балконов.

ladakz_qz Өсылай тақап салуға дұрыс па?

ladakz_qz Ақтауда былтыр пайдалануға берілген 9 қабатты тұрғын үйдің лифті істемей тұр

Редакциямызға 19А-шағынауданның тұрғыны хабарласып, жаңа үйдегі лифт мәселесіне шағымданды.

Оқырманның айтуынша, 19А-шағынаудандағы N16 үй 2024 жылы пайдалануға берілген. Алайда арада бір жыл өтпей жатып, лифт жиі істен шығып, соңғы айда мүлде жұмыс істемей қалған.

– Үй 9 қабатты. Лифті бір айдан бері істемейді. Застройщик пен әкімдік «жөндеп береміз» деп уәде берді, бірақ тағы 3-4 апта күту керектігін айтты. Ал КСК тұрғындардан қосалқы бөлшекке ақша жинауды талап етуде. «Төлемесеңдер, лифт тұра береді» деп отыр, – дейді тұрғын.

Айтуынша, лифт құны 20 млн теңге тұрады. Бірақ кепілді мерзімі бар құрылғы жыл өтпей істен шыққан.
– Бір бөлігі істемей қалды, енді екінші бөлігі бұзылды. Кепілдік қайда сонда? Бөлшектері Қытайдан келеді дейді. Ол үшін тіпті Индустрия министрлігінің рұқсаты керек екен. Біз ипотека төлеп отырған үстіне осындай проблемаға тап болдық, – деп ашынады тұрғын.

Редакция мәселенің мән-жайын анықтау үшін құзырлы органдардан ресми түсініктеме күтуде.

ladakz_qz Ақтауда жүргізуші қоғамдық көлікке арналған аялдамаға көлігін қойып, автобустың тоқтауына кедергі жасады.

Тәртіпке бағынбағаны аздай, айналасындағыларға дөрекі сөйлеп, орын босатудан бас тартқан.

Сонымен кімнің «парковкасы» болды? @mangistaupd

ladakz_qz Ақтауда катерлердің соқтығысу сәті түсірілген видео пайда болды

Әлеуметтік желілерде Ақтауда теңізде болған катерлердің соқтығысу сәті жарияланды.
Видеоны «Elise» катерінде отырған жолаушы әйел телефонға түсірген. Ол бортта балаларымен бірге болған. Кадрларда жолаушылардың теңіз серуенінен қуанып отырғаны байқалады. Бір сәтте күтпеген жерден қатты соққы болғаны көрінеді.

Яхт-клуб «Бриздің» мәліметінше, «Izi» катерінің жүргізушісі халықаралық теңіз ережесіне сәйкес оңға бұрылған, ал «Elise» солға бұрылған. Дәл осы қарама-қайшы маневр апатқа әкелген.

Видеода соққы сәті анық көрінеді. Одан кейін балалардың қорыққан дауыстары естілген.

Еске сала кетейік, оқиға 13 қыркүйек кешкі уақытта «Меловой» маягіне қарама-қарсы пирс маңында болған.

ladakz_qz Ақтауда газ құю бекеттерінде кезек пайда болды

Таңертең және кешкі уақытта Ақтаудағы газ құю бекеттерінде көлік кезегі көбейген. Жүргізушілер газ тапшылығы болуы мүмкін деп алаңдаулы.

Қалалық әкімдіктің мәліметінше, Ақтауға тәулігіне орта есеппен 170–180 тонна сұйытылған газ жеткізіледі. Қыркүйек айына «КазГӨЗ» ЖШС 5 375 тонна, ал Атырау мұнай өңдеу зауыты қосымша 384 тонна газ бөлген.

Әкімдік өкілдерінің айтуынша, қалада 28 газ құю бекеті жұмыс істеп тұр. Ал қала маңындағы ауылдар мен тасжолдардағы стансаларда кезек байқалмаған. Мәселе бақылауда: мамандар күн сайын екі рет бекеттердің жұмысын тексеріп, мәліметті облыстық кәсіпкерлік және сауда басқармасына жеткізіп отырады.

Дегенмен, жүргізушілер жағдайдың әлі де қиын екенін айтады.

– Соңғы бір аптадан бері газ құю үшін кемінде бір сағат кезекте тұрамыз. Таңертең де, кешке де бекетке кіру мүмкін болмай, жол бойында ұзын-сонар кезекке тұруға тура келеді, – дейді олар.

ladakz_qz Ақтаудағы әуежай мен жаңа спорт кешенін су басты

Кеше Ақтауда нөсер жауын жауды. Салдарынан халықаралық әуежайдың күту залы мен жаңа спорт кешені суға толып қалды. Әлеуметтік желілерде тұрғындар түсірген бейнежазбалар тарады. Онда әуежайдың төбесінен су сорғалап, зал ішінде шалшықтардың пайда болғаны көрінеді.

Әуежайдың баспасөз қызметі бұл жағдайды түсіндірді.

– Бұл уақытша мәселе. Нөсер жауын ғимараттарды қысқы маусымға дайындау кезінде жауды. Инженерлік жүйелерді тексеру мен техникалық қызмет көрсету жұмыстары жоспарға сай жүргізілуде. Әуежай қызметкерлері дер кезінде әрекет етіп, суды аз уақыт ішінде тазалады. Қазір күту залы қалыпқа келтірілді, жұмыс әдеттегідей жалғасып жатыр, – деді баспасөз қызметіндегілер.

Олардың айтуынша, күз-қыс маусымына дайындық алдын ала басталған, қазір бекітілген жоспарға сәйкес жүргізілуде. Ерекше назар шатырды, су ағызу жүйесін және жылыту қондырғыларын тексеруге аударылған.

– Жолаушыларға түсіністік танытқаны үшін алғыс айтамыз. Уақытша қолайсыздықтарға кешірім сұраймыз. Әуежай қалыпты режимде жұмыс істеп тұр, – деп толықтырды мекеме өкілдері.

Жауын тек әуежайды ғана емес, 10 қыркүйекте «Маңғыстау-Арена» спорт кешенін де су басты. Тұрғындар жазғы жөндеуден кейін де шатырдың су өткізіп тұрғанына наразы.

– Жазда күрделі жөндеу жүргізіліп, жаңа паркет төселді. Бірақ шатыр қайтадан ағып, су спорт залына төгіліп тұр, – дейді ақтаулықтар.

Lada.kz редакциясы спорт кешені әкімшілігіне хабарласуға тырысқанымен, әлеуметтік желідегі байланыс нөмірлері қолжетімсіз болып шықты. Сондай-ақ облыстық спорт басқармасының басшысы мен орынбасарының телефондары да сөндірулі болған.

ladakz_qz Шетпеде мектепке баратын балалар автобусқа сыймай қиналуда

Шетпе ауылында оқушыларды мектепке тасымалдау үлкен проблемаға айналды. Ата-аналардың айтуынша, 30 орындық автобустарға екі есе көп бала – 60, кейде тіпті 80 оқушы сығылысып мініп жүр. Соның салдарынан балалардың жағдайы нашарлап, кейбірі жолда құсып, есінен танып қала жаздаған.

Бұл қиындық Ащыбулақтағы №7 мектеп-лицей жабылғаннан кейін басталған. Ғимарат апатты деп танылып, жаңа оқу жылының алдында пайдалануға тыйым салынған. Ол мектепте 1600-ге жуық бала оқыған, соның 950-і Шетпедегі №6 орта мектепке ауыстырылды. Бірақ жаңа оқу орны барша оқушыны қабылдауға дайын болмай шыққан.

Екі мектептің оқушылары бір ғимаратта оқуға мәжбүр. Соның салдарынан сабақ үш ауысымда өтуде: №6 мектептің балалары таңертең, ал №7 мектептен ауысқандар түстен кейін білім алады.

Ауыл тұрғындары ең өзекті мәселе – балаларды тасымалдау екенін айтады. Мыңға жуық оқушыға бар болғаны үш-ақ автобус бөлінген. Оқушылар көлікке сыймағандықтан, кейбірі мектепке дейінгі 4 шақырымды жаяу жүріп барады. Автобустар күніне екі-үш рет қатынағанымен, бұл жеткіліксіз. Соның кесірінен көп оқушы сабаққа кешігеді.

– 25–30 адамға арналған автобустарға 60–80 бала мінгізеді. Балалар тұншығып, құсып, есінен танып қала жаздайды. Тағы бір қауіп – автобустар тас жолдың қарсы бетінде тоқтайды. Ал ол жерде жаяу жүргіншілер жолағы жоқ. Балалар жолды жүгіріп өтуге мәжбүр, бұл олардың өміріне қауіп төндіреді, – дейді ата-аналар.

Кейбір ата-аналар мәселені аз да болса шешу үшін өз көлігімен тек өз балаларын ғана емес, көршілердің балаларын да тасып жүр.

Тұрғындар бұл жағдайға байланысты бірнеше рет ауыл әкімдігіне шағымданған. Алайда олардың айтуынша, билік әзірге нақты шешім қабылдамаған.

Редакция Маңғыстау облысы әкімдігі мен облыстық білім басқармасына ресми түсініктеме күтуде.

ladakz_qz Ақтаулық тұрғын самокат ұрлығы туралы шағымданды

Ақтауда №15 шағынауданда дүкенге кірген тұрғын балалардың самокаты жоғалып кеткенін айтып, редакцияға хабарласты.

Тұрғынның айтуынша, ол шамамен кешкі сағат 18:00-де балаларымен дүкенге кірер алдында самокаттарын велосипед тұрағына қалдырған. Алайда дүкеннен шыққанда самокаттардың бірі орнында болмай шыққан.

– Егер мұны кішкентай бала байқамай алып кетсе, түсінуге болады. Бірақ жанында үлкен кісі жүрді. Ол бөтеннің затын көре тұра тоқтатудың орнына, керісінше, құптағандай кете барғаны жанымды ауыртты, – дейді тұрғын.

Оның сөзінше, дәл сол жерде басқа бала жасыл самокатпен ойнап болғаннан кейін анасы оны орнына қойдырған. Ал жоғалған самокатқа қатысты ондай әрекет жасалмаған.

– Мұндай жағдайда бала біреудің затын рұқсатсыз алуды әдеттегі іс деп қабылдап қалуы мүмкін. Әңгіме 10 мың теңгелік затта емес, баланың тәрбиесінде болып тұр, ұсақ-түйек заттан басталған осындай әрекеттер ертең үлкен мәселеге айналуы ықтимал, – деп қынжылды ол.